Dəriniz hər gün sizə kiçik siqnallar göndərir

Əvvəlcə şikayətinizi, nə vaxtdan başladığını və hansı vasitələrdən istifadə etdiyinizi soruşuram. Sonra dərinizi dermatoskopla müayinə edirəm, lazım olanda analiz təyin edirəm. Görüşün sonunda diaqnozu, müalicə planını və gündəlik qulluğu izah edirəm.

Üzünüzə makiyaj etməyin, istifadə etdiyiniz krem və dərmanların adını yazın və ya fotolarını çəkin. Əvvəlki analiz nəticələri varsa, özünüzlə gətirin. Saç tökülməsi ilə gəlirsinizsə, qəbuldan bir gün əvvəl saçınızı yuyun.

İlk nəticələr adətən 4-8 həftədə görünür, tam kurs isə aknenin dərəcəsindən asılı olaraq bir neçə ay çəkə bilər. Ən vacibi nəticə görünən kimi müalicəni özbaşına dayandırmamaqdır, çünki akne çox vaxt məhz buna görə qayıdır.

Xeyr. Sıxanda iltihab dərinin dərin qatına itələnir, infeksiya yayılır və ləkə, hətta çapıq qalır. Ağrılı və ya iri sızanaqlar üçün müayinəyə gəlin, onları təhlükəsiz yolla sakitləşdirmək mümkündür.

Bəzi hallarda, xüsusən yetkin yaşda, çənə nahiyəsində və aybaşı ilə güclənən aknedə hormonal səbəb ola bilər. Hamıya analiz lazım deyil. Müayinədən sonra ehtiyac varsa, hansı analizlərin lazım olduğunu deyirəm.

Bəli, il boyu və buludlu havada da. Ultrabənövşəyi şüalar piqmentasiyanı, akne izlərinin tündləşməsini və erkən qocalmanı sürətləndirir. Səhər qulluğunun son addımı SPF 30-50 olmalıdır, açıq havada isə hər 2 saatdan bir, üzmək və tərləmədən sonra isə dərhal yenilənməlidir.

Yağlı, quru, qarışıq, normal və həssas dəri tiplərini evdə təxmini müəyyən etmək olar, amma dəri tipi ilə dərinin vəziyyəti eyni şey deyil. Məsələn, yağlı dəri də susuz ola bilər. Qulluğu düzgün seçmək üçün müayinədə dərinizi birlikdə qiymətləndiririk.

Konkret yaş yoxdur, göstəriş var. 25 yaşda çox vaxt SPF, düzgün qulluq və akne varsa onun müalicəsi kifayət edir. Prosedura ehtiyac olub-olmadığını müayinədən sonra deyirəm.

Səthi pilinqlərin bəziləri il boyu aparıla bilər, orta dərinlikli pilinqlər isə günəş aktivliyi az olan payız və qış aylarında daha təhlükəsizdir. Hansı halda olursa olsun, pilinqdən sonra SPF mütləqdir.

Tükün tökülməsi 2-3 aydan çox davam edirsə, saç gözə çarpacaq qədər seyrəlibsə və ya dəyirmi tüksüz sahələr yaranıbsa, müayinəyə gəlin. Trixoskopiya və lazım olan analizlərlə səbəbi müəyyən edirik.

Bəli. Müayinə, analiz və müalicə tam məxfi aparılır. Əlamət olmasa belə, şübhəli əlaqədən sonra müayinədən keçmək düzgün qərardır.

Bu saytda heç bir forma doldurmursunuz, onlayn yazılış SimplyBook sistemində aparılır. Dərinizin fotolarını və tibbi məlumatlarınızı yalnız müalicə üçün istifadə edirəm, yazılı razılığınız olmadan heç yerdə paylaşmıram.